Letras Galegas 2026: descubrindo a Begoña Caamaño
Durante este mes de maio, na biblioteca do noso centro celebramos o Día das Letras Galegas achegándonos á figura de Begoña Caamaño, autora homenaxeada neste ano 2026 pola Real Academia Galega.
Begoña Caamaño foi escritora, xornalista e unha grande defensora da lingua galega, da igualdade e da cultura do noso país.
Na biblioteca realizamos diferentes actividades para coñecer mellor a súa vida e a súa obra: lecturas compartidas, murais colaborativos, recomendacións lectoras e exposicións arredor das mulleres na literatura e na música galega.
Ademais, reflexionamos sobre a importancia de defender a nosa lingua e de visibilizar as voces femininas da cultura galega.
Con esta celebración queremos seguir fomentando o amor pola lectura en galego e descubrir referentes que, como Begoña Caamaño, empregaron a palabra para construír un mundo máis xusto e igualitario.
Feliz Día das Letras Galegas!
Ningún comentario:
Publicar un comentario