A celebración do SAMAÍN aconteceu despois do recreo e organizouse en obradoiros de xogos, maquillaxe e tattoos, teatro e túnel do terror así como decoración de galletas. Cada grupo foi rotando polos devanditos obradoiros ata o momento da entrega de premios ás mellores cabazas. Foi un día arrepíante!!
Durante toda a semana puideron disfrutar dunha exposición temática no mirador da nosa biblioteca.
No día de hoxe celebraremos o noso querido SAMAÍN. Temos moitas sorpresas preparadas que descubrieres despois do recreo...Polo de agora imos mostrarvos o maravilloso traballo que fixeron decorando cabazas empregando elementos de refugallo.
Non marchedes que aínda temos algo máis!!! A continuación podedes descubrir unha interesante historia titulada "O noso Samaín", de Loretta Birott e facer unha serie de actividades grazas a colaboración de diferentes centros de ensino galegos. Gozade!!!
Este mércores conmemoramos o Día das bilbliotecas para o que propuxemos ó alumnado que reflexionaran sobre a importancia da Biblioteca Escolar nas súas vidas. En Ed. Infantil e primeiros cursos de Ed. Primaria elaboraron debuxos sobre a sua interpretación deste espazo de encontro e aprendizaxe; por outra banda, os cursos altos pensaron en inxeniosos slogans cos que resumir a súa relación ou visión deste lugar repleto de historias.
Ademáis, aproveitamos este día tan sinalado para facerlles entrega das mochilas viaxeiras cargadas de novas e emocionantes aventuras que desexamos que sexan compartidas en familia.
Deixámosvos un vídeo co que aconteceu no dia de hoxe.
No día de hoxe recibimos a visita da Asociación Visibles para desarrollar un obradoiro no que abordar a igualdade e unha análise crítica do estereotipos de xénero.
O alumnado de 3º- 4º e 5º- 6º de Ed. Primaria traballou na realización dunha análise crítica dos estereótipos de xénero na nosa sociedade e, a partir de contos tradicionais, trataron de propoñer novas persoaxes e desenlaces desde unha perspectiva de xénero.
