Día das escritoras 2023

Este ano celebrouse o día das escritoras o 17 de outubro. 

Ao longo da historia foron moitas as mulleres escritoras e galegas que viron silenciada a súa obra por non estar ben visto pola sociedade ou por infravalorar os seus escritos polo feito de ser muller e non home. Inxustizas que se cometeron e que hoxe rememoramos para que non volte suceder.

Reclamamos a igualdade tamén no mundo das letras e, para iso, rendemos homenaxe a tantas mulleres que se abriron paso neste mundo.

Algunha delas foron Rosalía de Castro, Emilia Pardo Bazán; ou máis actuais como Fina Casalderrey, Paula Carballeira, Antía Yáñez, María Canosa ou Ledicia Costas.

Os máis maiores do colexio estiveron traballando e coñecendo máis a algunha destas autoras. Descubriron á coruñesa Emilia Pardo Bazán, así como libros de escritoras galegas que temos na nosa biblioteca.

Tamén animamos, como reto dirixido a todos os cursos, a descubrir creadoras de cómic en galego. A maior parte da banda deseñada que contamos é de autores masculinos. As mulleres non escriben en formato cómic? Aí vai o reto para reflexionar.

Colgadores para os nosos momentos de lectura!

Con motivo do Día da Biblioteca Escolar, o alumnado recortou e creou uns colgadores moi especiais para que nada lles impida viaxar polos libros!

Día da Biblioteca Escolar

 

Este 24 de outubro celebramos o día da Biblioteca Escolar no noso centro. Para iso, no acto, levamos a cabo as seguintes actividades:

-> Descubrimos o lema deste ano das Bibliotecas Escolares de Galicia, relacionado coa banda deseñada.

-> Recordamos os mimos que deben recibir os libros da biblioteca.

-> Fixemos entrega das mochilas viaxeiras, que percorrerán todos os fogares ao longo do curso.

-> Vimos un vídeo moi emotivo sobre o significado da biblioteca para moitos dos biblioaxudantes e para algunhas das mestres que se animaron a participar.

-> Realizamos un pequeno colgador para os nosos momentos de lectura.

Os máis pequenos crean as súas bolsas viaxeiras!

Os máis pequenos do colexio son todos uns artistas. Con pintura téxtil, plantillas e uns rotuladores especiais para telas pintaron as súas propias bolsas viaxeiras. Por un lado aparecen os bibliotrisquis e por outro o seu autorretrato xunto co seu nome.

Cada semana poderán levar un libro e unha revista da biblioteca para ler en familia. Fomentamos así a seu sentido crítico, deixando que sexan eles quen escollan os seus propios contos.

Búscanse biblioaxudantes!

Como cada setembro, ábrese o prazo de inscrición para ser biblioaxudantes. 

Os máis maiores do colexio, como cada ano, teñen a oportunidade de coñecer un pouquiño máis de cerca como funciona unha biblioteca. Aprenden a manexar o programa de empréstamos e devolucións de libros, a ordenar e catalogar exemplos e, mesmo, a reorganizar os espazos e recunchos que temos preparados para os nosos lectores. 

Mais, para iso, requírese certo compromiso, responsabilidade e ganas!

O alumnado interesado pode apuntarse no taboleiro da entrada da biblioteca.

Unhas cartas misteriosas...

Hoxe apareceron unhas cartas misteriosas nas aulas do colexio...

Nelas, uns pequenos seres silenciosos e amantes dos contos están pensando en vir vivir á nosa biblioteca. Fanse chamar bibliotrisquis e gústalles moito o silencio e vivir aventuras a través das páxinas dos libros. Que nos terán preparado?

O primeiro reto que nos puxeron foi debuxalos tal como cremos que son. Acertaremos cos datos que nos deron?

Benvidos ao curso escolar 2023- 2024!

Comeza o novo curso escolar e con el, dende a biblioteca, grandes ganas de crear ilusión polos libros e polas grandes aventuras e aprendizaxes que agochan. 

 Este ano un dos principais obxectivos será transmitir o alumnado o valor dos libros e, para iso, partirase do lema "os libros son tesouros!". 

 Tamén nos agardan novidades como a despedida do noso amigo Marcelino (xubílase) e a chegada duns seres silenciosos e pequeniños: os BIBLIOTRISQUIS!

PDI. OFICIOS DA CONTORNA

 

A VOZ DE BUÑO

 A continuacuón podedes ollear o noso xornal que recolle algunha das novidades da nosa vila o longo do curso 2022/2023. Esperamos que vos guste e continuar con esta tradición xornalística o vindeiro curso.

LETRAS GALEGAS

Nesta efeméride tan relevante Marcelino preparou unha exposición sobre o autor elixido pola Real Academia Galega, Francisco Fernández del Riego. 

Recóllense títulos que abordan a súa vida e obra así como recursos en liña a interesantes nos seguintes enlaces:

- Seminario Galán

-  Primavera das Letras

- Real Academia Galega

Asemade, levamos a cabo unha actividade interactiva en robótica para coñecer máis detalles sobre a súa vida e obra e o curso de 3º e 4º de Educación Primaria elaborou un video conmemorativo que podedes visionar a continuación: