Achegándonos ao Sáhara: unha charla para aprender e compartir
No noso centro tivemos a oportunidade de recibir o 16 de marzo unha interesante charla da man dos cooperates do Sáhara, na que o alumnado puido coñecer mellor como viven as familias saharauís, as súas costumes, a súa cultura e a realidade que atravesan moitas persoas nos campamentos de refuxiados.
Durante a actividade falamos sobre as súas vivendas, a alimentación, as vestimentas tradicionais e as dificultades ás que teñen que facer fronte no día a día debido ás duras condicións do deserto.
Foi unha experiencia moi enriquecedora que nos axudou a comprender outras formas de vida e a valorar a importancia da solidariedade e da empatía.
Tamén coñecemos máis de preto os programas de acollida, grazas aos cales moitos nenos e nenas saharauís poden pasar temporadas con familias de aquí, compartindo experiencias, aprendendo e creando vínculos moi especiais.
Un dos momentos máis emocionantes foi falar sobre o intercambio de cartas que realizamos co Sáhara. A través destas mensaxes, o alumnado pode comunicarse, compartir ilusións e coñecer un pouco mellor a realidade doutros nenos e nenas da súa idade.
Coñecer outras realidades tamén nos axuda a crecer como persoas e a construír un mundo máis xusto e humano.
Ningún comentario:
Publicar un comentario