De viaxe con Marco Polo (PDI). Recorremos o deserto do Gobi coñecendo a flora e a fauna, distinguimos pedras preciosas e coñecemos o ecosistema desértico.

 

Nesta segunda etapa da viaxe atravesaremos o longo deserto do Gobi. Para non perdernos, os máis pequenos (EI) elaboraron un mapa coa ruta. Con el puidemos traballar xeografía e identificar diferentes culturas, traxes tradicionais, animais e vivendas.

1º e 2º estivo estudando o ecosistema desértico a través do deserto do Gobi. Para reforzar isto creou un minimundo onde puidemos ver incluso a Marco Polo. Olla!

Algúns tamén se animaron a facer  debuxos por iniciativa propia:

3º e 4º de Educación Primaria adentrouse no mundo das pedras preciosas. Ollade o cofre e as pedriñas tan bonitas que fixeron! Así dá gusto falar de minerais e da ruta da Seda.

E é que Marco Polo, de camiño a China (Catai), pasou por Badajshán (Afganistán). Ese era un lugar moi importante para os mercaderes da época, pois das montañas obtiñan xemas moi valiosas: rubís, zafiros, lapislázulis...

5º e 6º de Educación Primaria estivo investigando sobre a flora e fauna dos desertos. Para iso fixeron tres presentacións ben bonitas. Podes velas no seguinte PDF!

PICA na barra dereita de cada PDF para visualizalo ou pica na esquina superior dereita de cada un.

Deixámosvos un exemplo en formato vídeo: