"Todos e todas contamos". Talleres pola inclusión de Afundación.

"Todos e todas contamos"é unha proposta inclusiva de Afundación articulada en varios talleres, segundo a idade. 

Educación Infantil e 1º e 2º recibiron o contacontos "A familia". A historia tratou diferentes tipos de familias (monoparentais, numerosas, de dous pais...). Unha vez escoitado o conto, realizaron a actividade "Creando a miña familia". Para iso, cada neno debuxou as persoas que conformaban o seu núcleo familiar, uníndoas posteriormente para crear un móbil colgante. Desta maneiro viron que cada familia é diferente pero igual de xenial!

3º e 4º de Educación Primaria desfrutou de "Circuito circense", un obradoiro  no que crearon o seu propio circo. Colocaronse diferentes estacións nas que o alumnado foi experimentando con actividades de equilibrio, puntería e incluso acrosport. Con estas actividades tentaron mellorar a convivencia, a cooperación, o aumento da autoestima personal e grupal, o coñecemento e o control do seu propio corpo; así como a superación de medos e límites.

5º e 6º de Educación Primaria tivo a oportunidade de asistir a un obradoiro de "Globoflexia". Explicóuselles os principios da globoflexia, unha técnica artística na que podemos facer diferentes figuras con globos, empregando a torsión como elemento moldeador das figuras.  Coa súa implementación desenvolvemos a creatividade e a imaxinación; ao tempo que fomentamos a motricidade, a concentración e o traballo en equipo. Olla este pulpo femosísimo!