.png)
Xa sabes que libro vas ler ou agasallar este Nadal? Os bibliotrisquis recoméndanche!
Neste pdf atoparás libros especialmente seleccionados para esta época do ano, libros para saber máis, cómics e contos específicos para a etapa de Educación Infantil, ademais doutros para máis maiores para emocionar e reflexionar. Así mesmo, incluimos exemplares do Hematocrito, en homenaxe a el.
PICA NA IMAXE para ver todas as recomendacións para o Nadal!
Dentro da nosa Biblioteca Escolar temos un recuncho para xogos e, entre eles, para o xadrez.
Este ano inauguramos, coa a axuda do mestre Fernando, o I Torneo de Xadrez do CEIP Joaquín Rodríguez Otero.
Tras deixar no taboleiro o anuncio, non tardamos en recibir inscricións. Ademais, o alumnado participante estivo practicando varios recreos antes da partida final, previa ao Nadal.
Encantounos ver como creaban e compartían as súas propias estratexias!
Se aínda non sabes xogar e queres participar na edición 2024, olla os libros cos que contamos na Biblioteca Escolar, na zona de consultas.
Un moi interesante para descubrir estratexias e avanzar na arte do xadrez é o que amosamos a continuación, da editorial Blume e da autora Sabrina Chevanne.
Tamén deixamos un pequeno videotitorial para que vaias practicando:
"Todos e todas contamos"é unha proposta inclusiva de Afundación articulada en varios talleres, segundo a idade.
Educación Infantil e 1º e 2º recibiron o contacontos "A familia". A historia tratou diferentes tipos de familias (monoparentais, numerosas, de dous pais...). Unha vez escoitado o conto, realizaron a actividade "Creando a miña familia". Para iso, cada neno debuxou as persoas que conformaban o seu núcleo familiar, uníndoas posteriormente para crear un móbil colgante. Desta maneiro viron que cada familia é diferente pero igual de xenial!
3º e 4º de Educación Primaria desfrutou de "Circuito circense", un obradoiro no que crearon o seu propio circo. Colocaronse diferentes estacións nas que o alumnado foi experimentando con actividades de equilibrio, puntería e incluso acrosport. Con estas actividades tentaron mellorar a convivencia, a cooperación, o aumento da autoestima personal e grupal, o coñecemento e o control do seu propio corpo; así como a superación de medos e límites.
Para iso, puxemos os exemplares á súa altura, para que sexan eles os que poidan ver e escoller contos. Así poden ir formando a toma de decisións en base aos seus criterios.
Tamén os organizamos por temáticas (animais, familia, inclusión, educación emocional, personaxes, aprender máis sobre...) para que tanta os mestres como os propios pequenos puideran localizar rápido os seus exemplares. Así mesmo, non deixamos de clasificar seguindo o protocolo do plan Meiga, posterior Koha.
Estas semanas o alumnado estivo traballando a necesidade dunha igualdade entre homes e mulleres. Para iso escolleron algúns dos libros que temos na biblioteca!
Un deles foi "Artur e Clementina" de Adela Turín e Nella Bosnia (editorial Kalandraka).
Dende a Biblioteca Escolar decimos NON a calquera tipo de violencia, polo que non podíamos deixar pasar este día para educar en igualdade, combatendo esta lacra social que aínda nos invade.
Deixámosvos as nosas recomendacións. Destacamos como novidades libros tan especiais como "Maruxa", "Chuvasqueiro de Aurora", "Los hombres no lloran" , "Pepuka" ou " Yo voy conmigo".
Achegámosvos o conto do "Chuvasqueiro de Aurora". Imposible non emocionarse!
Os bibliotrisquis mandáronnos un audio e que alegría levamos! Van vir vivir á nosa biblioteca!
Pica na imaxe para escoitalos!
Hoxe celébrase o Día Internacional dos Dereitos da Infancia e, dende a Biblioteca Escolar, aproveitamos para recomendar algún dos nosos libros:
Un mundo mejor (derechos del niño), de Jaguar. Repasa os dereitos dos nenos a través de fermosas e singulares ilustracións, nas cales colaboraron 11 artistas.
Por último deixamos unha canción que propuxemos para traballar cos máis pequenos, de UNICEF.
Para iso deixamos expostos, na entrada da biblioteca, recomendacións escalofriantes.
Xunto a isto, dende o centro, celebráronse diversos obradoiros: cociña monstruosa, maquillaxe de medo, bailes para atrevidos e un concurso de cabazas.
Deixámosvos os vídeos de ambas celebracións, para que poidades facervos á idea.
“Son das que pensan que a ciencia ten gran beleza. Un científico no seu laboratorio non é só
un técnico: é tamén un neno colocado ante fenómenos naturais que lle impresionan como un
conto de fadas”. Marie Curie (1867-1934)
Como indicaba Marie Curie, a ciencia pode impresionarnos como un conto de fadas. Dende a biblioteca intentamos que o noso alumnado sinta curiosidade e ganas de experimentar e coñecer o que nos rodea.
Seguindo o método científico (observación, roblema, hipóteses, experimentación, análise, rexeitamento ou cumprimento das hipóteses, conclusións), comezamos a realizar experimentos co alumnado de 5º e 6º de Educación Primaria, que inscribimos na "Misión Alba".
Misión Alba é un programa educativo impulsado polo Sincrotón ALBA, a única fonte de luz de sincrotón de España. Está avalado pola Generalitat de Cataluña e polo Ministerio de Asuntos Económicos e Transformación Dixital. Nel participan centros de toda España.
Os primeiros experimentos que realizamos foron os seguintes:
"Vimos o invisible: o dióxido de carbono".
"Vemos a refracción e reflexión da luz empregando Orbeez"
Despois das enterarnos que os bibliotrisquis quedaron atrapados no "Libro das Marabillas", puxémonos mans á obra para intentar axudarlles. Para iso, comezamos a viaxe coñecendo e investigando máis sobre a figura de Marco Polo, o protagonista dese libro.
Dende a biblioteca fixemos un pequeno documento para axudar aos pequenos investigadores.
PICA E ARRASTRA na barra lateral dereita ou abre o documento na esquina superior dereita do documento para saber máis!
Este 24 de outubro celebramos o día da Biblioteca Escolar no noso centro. Para iso, no acto, levamos a cabo as seguintes actividades:
-> Descubrimos o lema deste ano das Bibliotecas Escolares de Galicia, relacionado coa banda deseñada.
-> Recordamos os mimos que deben recibir os libros da biblioteca.
-> Fixemos entrega das mochilas viaxeiras, que percorrerán todos os fogares ao longo do curso.
-> Vimos un vídeo moi emotivo sobre o significado da biblioteca para moitos dos biblioaxudantes e para algunhas das mestres que se animaron a participar.
-> Realizamos un pequeno colgador para os nosos momentos de lectura.
Con motivo do Día da Biblioteca Escolar, o alumnado recortou e creou uns colgadores moi especiais para que nada lles impida viaxar polos libros!
