NOVIDADES LECTORAS
Chegan máis novidades á biblioteca escolar!
E lembra: as túas suxestións tamén contan, así que se botas en falta algún título... ¡dínolo!
"Porque ler é unha viaxe que nunca remata, e cada libro novo é unha oportunidade de seguir soñando, aprendendo e medrando"
.jpg)
PROXECTO TERRA
O día 14 de maio acudiron ou centro as inspectoras urbanísticas do Proxecto Terra, esta proposta busca fomentar o coñecemento do territorio galego.
As actividades, que se desenvolveron na biblioteca escolar, teñen como finalidade achegar ao alumnado á realidade do seu entorno, descubrindo os elementos que conforman o territorio, a paisaxe e a contorna máis próxima. Preténdese así transmitir, desde as primeiras etapas educativas, a importancia de coidar e valorar un territorio que é patrimonio común de toda a cidadanía.
LETRAS GALEGAS
Este ano as letras galegas son adicadas as cantareiras e a poesía popular oral, representadas por Adolfina e Rosa Casás, Eva Castiñeira, Prudencia e Asunción Garrido e Manuela Lema.
Este homenaxe tiña como finalidade poñer en valor e recoñecer o importante labor realizado por estas mulleres que, a través das súas voces e das súas cantigas, foron as auténticas gardiás da nosa lingua e cultura popular. A tradición oral que elas conservaron e transmitiron foi clave para manter viva a identidade do noso pobo ao longo do tempo. Porque non hai un pobo máis vivo que aquel que canta o que lle acontece, que transforma a vida cotiá en canción e memoria compartida
Ao longo da semana das Letras Galegas, nas aulas de Infantil e Primaria leváronse a cabo diferentes actividades centradas nesta temática. En concreto, investigamos e traballamos a figura das cantareiras, afondando na súa historia, nos seus cantos e na importancia que tiveron para a cultura galega. Fixémolo mediante propostas didácticas variadas, moitas delas inspiradas nos materiais do Seminario Galán, adaptadas aos diferentes niveis do alumnado.
Ademais, fixemos unha saída a Malpica, para asistir a unha actuación en directo dunha cantareira. Esta actividade permitiunos vivir en primeira persoa a forza da música tradicional galega, escoitando e participando activamente nos seus ritmos e nas súas letras. Foi unha experiencia moi enriquecedora que favoreceu a conexión do alumnado coa tradición oral de maneira vivencial.
O día 16 de maio, tivemos a honra de recibir no centro a visita de varias cantareiras.
O alumnado do último ciclo preparou entrevistas para coñecer máis de preto a súa historia, o seu traballo, as súas experiencias e a súa dedicación á música tradicional. Máis tarde, sorprenderon a todo o centro cunha actuación que fixo vibrar a escola enteira. Moitos nenos e nenas acompañaron as interpretacións con instrumentos que trouxeron da casa, como cunchas, pandeiretas ou mesmo frautas, creando así un ambiente festivo e moi emotivo que puxo o broche de ouro a unha semana chea de aprendizaxes e emocións.
Vídeo do día das letras galegas.
DÍA INTERNACIONAL CONTRA O ACOSO ESCOLAR
O día 2 de maio celebrase a conmemoración contra o acoso escolar e na biblioteca realizamos unha selección de libros e contos sobre a temática.
Dende a biblioteca escolar, realizamos unha selección de vídeos-cortos de animación para entender as consecuencias do acoso escolar.
