SEMANA DA PRENSA

 

SEMANA DA PRENSA

Con motivo da semana da prensa o noso alumnado realizou un xornal con diferentes seccións que poderedes ver.Para inspirarse pudieron profundizar nas lecturas do xornal Papagaio ao que o centro está subscrito.

Aproveitamos o semana da prensa para fomentar o consumo responsable é conmemoramos o día dos dereitos do consumidor no venres 14 de marzo. 

Por outra banda, realizamos varias actividades que podedes ver aquí:

Contamos coa presencia dun periodista radiofónico que no explicou en que consiste o seu traballo e puidemos realizarlle algunhas preguntas a modo de entrevista ao periodista da COPE Israel Remuiñán Seoane.

Tamén contamos coa presenza de Miguel Rey, un dos adestrador da Seleción Galega de Tenis de mesa. Este foi entrevistado polo alumnado de 4º, 5º e 6º, os que posteriormente gozaron dunha Master Class deste deporte. Finalmente, xunto cun dos xogadores senior do clube que adestra, realizaron unha exhibición para todo o alumnado do colexio. Neste enlace á web de centro, podedes ver a xornada.

DÍA DA MULLER

 

Para conmemorar o Día da Muller, realizamos na biblioteca escolar unha coidada selección de libros e biografías centradas en figuras femininas relevantes.

O alumnado de 4º de Educación Primaria elaborou unha exposición sobre mulleres destacadas en diferentes ámbitos profesionais, que foi presentada ao resto do centro.

Ademais, dende o 6 de marzo e durante unha semana, a biblioteca acolleu unha exposición itinerante grazas á colaboración da Asociación Visibles. Esta mostra incluíu unha selección de libros que abordan temas como o bo trato entre iguais, o consentimento, os coidados, a diversidade e a sexualidade, fomentando así a reflexión e o respecto desde unha perspectiva inclusiva e educativa.

A exposición “Sen Elas Non Hai Cosmos” busca visibilizar o papel fundamental das mulleres no eido da ciencia e da exploración espacial, poñendo en valor as súas achegas nun ámbito historicamente marcado pola desigualdade e a escasa recoñecemento do seu traballo fronte ao dos homes.

Agradecemos sinceramente á asociación o seu compromiso e a posta en marcha de iniciativas tan valiosas para a nosa comunidade educativa.

Podedes ver, neste enlace a web do noso centro, a exposición. Vídeo da exposición